İran İslam İnqilabı Keşikçiləri Korpusu (SEPAH) İordaniyada yerləşən Kral Feysəl və Şahzadə Həsən hərbi bazalarına raket və pilotsuz uçuş aparatları ilə zərbələr endirdiyini açıqlayıb.
Bəyanata əsasən, hücum zamanı F-15 qırıcılarının hazırlıq anqarlarından biri vurulub. Həmçinin pilotsuz uçuş aparatlarının hazırlanması üçün istifadə olunan anqara endirilən zərbə nəticəsində qablaşdırılmış vəziyyətdə olan səkkiz ədəd yeni MQ-9 pilotsuz uçuş aparatı tamamilə məhv edilib, açıq ərazidə yerləşən daha iki MQ-9-a isə ciddi ziyan dəyib.
SEPAH bildirib ki, növbəti hücum zamanı bazadakı helikopter anqarı hədəfə alınıb və iki ədəd ağır ABŞ hərbi helikopterinə ciddi ziyan vurulub.
Bəyanatda qeyd olunub ki, sonrakı mərhələdə bazada yerləşən şəxsi heyətin yerləşdiyi yaşayış sahəsinə endirilən zərbə nəticəsində ölən və yaralananlar olub.
Qeyd edək ki, məlumatlar SEPAH tərəfindən yayılıb və müstəqil mənbələr tərəfindən təsdiqlənməyib.
Bakıda avtoyuma məntəqəsindən maşın qaçıran şəxs saxlanılıb
Kreml Rusiya və Almaniya nümayəndələrinin Bakıda görüş keçirməsi barədə məlumatlı deyil
“Neftçi” və “Qarabağ”ın avrokubok oyunu ilə əlaqədar metronun iş rejimi dəyişdiriləcək
SEPAH ABŞ-nin İordaniyadakı bazalarına hücum edib, ölən və yaralananların olduğu bildirilir
İRNA: Tehran ABŞ-la sazişin bərpası imkanını qoruyub saxlayır
