© APA | Ukrayna Silahlı Qüvvələrinin yeni baş komandanı, general-mayor Mixail Drapatı və Prezident Volodimir Zelenski
Ukrayna Silahlı Qüvvələrinin yeni baş komandanı, general-mayor Mixail Drapatı Prezident Volodimir Zelenskinin ordu qarşısında hücum əməliyyatlarının gücləndirilməsi ilə bağlı tapşırıqlar qoyduğunu açıqlayıb.
O bildirib ki, qarşıya quru, hava, kiber və digər əməliyyat sahələrində hücum fəaliyyətinin davam etdirilməsi və gücləndirilməsi, qarşı tərəfin arxa cəbhəsində yeni əməliyyatların planlaşdırılması, qoşunların və texnologiyaların inkişaf etdirilməsi, həmçinin Silahlı Qüvvələrin imkanlarının artırılması vəzifələri qoyulub.
Drapatı qeyd edib ki, yeni komandanlıq qarşıda mürəkkəb işlərin olduğunu nəzərə alaraq fəaliyyətini davam etdirəcək.
Yeni baş komandan Baş Qərargah rəisi vəzifəsinə general-mayor İqor Skibyukun təyin olunduğunu da açıqlayıb. O, daha əvvəl Ukraynanın Hava Desant-Hücum Qoşunlarına komandanlıq edib.
Xatırladaq ki, Ukrayna Prezidenti Volodimir Zelenski Silahlı Qüvvələrin baş komandanı Aleksandr Sırskini vəzifəsindən azad edərək bu posta Mixail Drapatını təyin edib. Drapatı təyinatadək Ukrayna Silahlı Qüvvələrinin Birləşmiş Qüvvələrinin komandanı vəzifəsində çalışıb.
Ukrayna mətbuatının məlumatına görə, kadr dəyişiklikləri ölkənin hərbi rəhbərliyində aparılan islahatlar fonunda həyata keçirilib.
Azərbaycan Rusiyanın axtarışa verdiyi Qırğız vətəndaşını təhvil verib
Ukrayna Silahlı Qüvvələrinin yeni baş komandanı hücum əməliyyatlarının gücləndiriləcəyini bildirib
Baş Prokurorluğun sorğusu üzrə axtarışda olan 5 nəfər Rusiyadan Azərbaycana ekstradisiya edilib
