© APA | Qazaxıstan Prezidenti Kasım-Jomart Tokayev
Qazaxıstan Prezidenti Kasım-Jomart Tokayev iyulun 25-də Rusiya və Qazaxıstanın XXII Regionlararası Əməkdaşlıq Forumunda iştirak etməzdən əvvəl Omskda Rusiya Prezidenti Vladimir Putinlə görüşü zamanı Ukrayna-Rusiya münaqişəsinin dondurulması və İstanbul danışıqları formatına qayıdılması ehtimalını gündəmə gətirib.
"Bilirsiniz, mənim fikrimcə, mən əvvəldən də demişəm ki, bu, dövlətlərarası münaqişədir. Bu, Krımda və ya başqa bir yerdə gedən hər hansı vətəndaş müharibəsi deyil. Biz həmişə Ukrayna xalqına, onun mədəniyyətinə və dilinə hörmətlə yanaşmışıq və hesab edirik ki, bu münaqişənin mahiyyəti bir çoxları, o cümlədən bizim üçün də tam aydın deyil", – Qazaxıstan Prezidenti vurğulayıb.
O qeyd edib ki, Azərbaycanla Ermənistan arasında uzun illər davam etmiş münaqişənin mahiyyəti və tarixi kökləri aydın olsa da, Ukrayna-Rusiya münaqişəsinin səbəblərini anlamaq daha çətindir.
Tokayev, həmçinin Vladimir Putinin Alyaskanın Ankoric şəhərində keçirilən görüş zamanı maksimum diplomatik çeviklik nümayiş etdirdiyini söyləyib.
"Bu, sadəcə mənim təvazökar fikrimdir. Ola bilsin ki, artıq bu münaqişəni dondurmağın və İstanbul formulu 2.0-a qayıtmağın vaxtıdır. Çünki orada əhəmiyyətli nəticələr əldə olunmuşdu. Daha sonra isə təbii ki, Rusiya da daxil olmaqla böyük dövlətlərin təminatları altında bu prosesi irəli aparmaq olar", – Tokayev əlavə edib.
Tokayev: Ermənistan-Azərbaycan münaqişəsindən fərqli olaraq, Rusiya-Ukrayna münaqişənin mahiyyəti bizim üçün tam aydın deyil
Rusiya benzin ixracına qadağanı ilin sonunadək uzadacaq
ƏSF kompensasiyaların AniPay vasitəsilə ödənilməsi imkanını araşdırır
Gürcüstanda elektrik problemi səbəbindən Bakı-Tbilisi qatarı yolda qalıb
