Qazaxıstanda yeni Konstitusiya layihəsi üzrə keçirilən ümumxalq referendumunda seçici fəallığı 73,24 faiz təşkil edib.
Bildirilib ki, saat 20:00-a olan vəziyyətə əsasən, ölkə üzrə seçici siyahılarına daxil edilmiş vətəndaşlardan 9 milyon 126 min 850 nəfər bülleten alaraq referendumda iştirak edib. Bu göstərici ümumi seçici sayının 73,24 faizinə bərabərdir.
Komissiyanın məlumatına görə, Qazaxıstanın bütün referendum məntəqələrində səsvermə prosesi başa çatıb və hazırda məntəqə komissiyaları səslərin hesablanmasına başlayıblar.
Qanunvericiliyə əsasən, səslərin hesablanması prosesi onun başlanmasından etibarən 12 saatdan artıq davam etməməlidir.
Bildirilib ki, ərazi komissiyaları səsvermə və səslərin hesablanmasının ilkin nəticələri barədə Mərkəzi Referendum Komissiyasını elektron rabitə kanalları vasitəsilə məlumatlandıracaqlar.
Referendumun ilkin nəticələrinin Mərkəzi Referendum Komissiyası tərəfindən açıqlanacağı, bunun vaxtı ilə bağlı isə əlavə məlumat veriləcəyi qeyd olunub.
Qazaxıstan XİN: Xaricdə referendumda 9050 vətəndaş səs verib
İranın zənginləşdirilmiş uran ehtiyatları dağıntılar altında qalıb
Əraqçi: İran bəzi dövlətlərlə gəmilərinin Hörmüz boğazından keçidi barədə danışıqlar aparır
Qazaxıstanda referendumda səsvermə başa çatıb
