Prezident İlham Əliyev Gürcüstanın Baş naziri İrakli Kobaxidzeyə məktub ünvanlayıb.
Bütün Gürcüstanın Katalikos-Patriarxı, zəmanəmizin görkəmli din xadimi II İlya həzrətlərinin vəfatı xəbərini dərin kədər hissi ilə qarşıladıq.
II İlya həzrətləri bütün həyat və fəaliyyətini xalqına və bəşəriyyət naminə nəcib amallara həsr etmişdir. Qafqazda sülhün, əmin-amanlığın, insanlar arasında həmrəyliyin, dinlərarası anlaşma və dialoqun bərqərar olması yolunda fəaliyyəti ilə II İlya həzrətləri milli və dini mənsubiyyətindən asılı olmayaraq milyonlarla insanın qəlbində yer tapmış, dərin ehtiram və rəğbət qazanmışdır.
Azərbaycan ilə Gürcüstan arasında ənənəvi dostluq və əməkdaşlıq münasibətlərinin inkişafında və möhkəmlənməsində II İlya həzrətlərinin böyük xidmətləri olmuşdur.
Bu ağır itkinin kədərini bölüşür, Sizə, bütün Gürcüstan xalqına, Gürcüstan Pravoslav Kilsəsinə şəxsən öz adımdan və Azərbaycan xalqı adından dərin hüznlə başsağlığı verirəm".
Kuba Prezidenti ABŞ-ın adaya nəzarət etmək cəhdinə qarşı “qarşısıalınmaz müqavimət” vəd edir
CENTCOM: İranın Hörmüz boğazında gəmilərə təhlükə yaradan raket bazalarına uğurlu zərbələr endirilib
Anar Quliyev: Azərbaycan beynəlxalq dialoq üçün əsas mərkəzlərdən birinə çevrilib
Prezident İlham Əliyev Kobaxidzeyə II İlyanın vəfatı ilə bağlı başsağlığı verib
Azərbaycandan Gürcüstana pul köçürmələri azalıb
