© APA | Avropa Mərkəzi Bankının rəhbəri Kristin Laqard və ABŞ maliyyə naziri Skott Bessent
Avropa Mərkəzi Bankının rəhbəri Kristin Laqard G7 ölkələrinin maliyyə rəhbərlərinin onlayn görüşündə ABŞ maliyyə naziri Skott Bessentlə fikir ayrılığı yaşayıb.
Bu barədə "Bloomberg" agentliyi mənbələrə istinadən məlumat yayıb.
Məlumata görə, Bessent İranla müharibənin iqtisadi təsirlərini kiçildərək Hörmüz boğazının bağlanmasını müvəqqəti hal kimi qiymətləndirib. Laqard isə buna etiraz edərək bildirib ki, nəticələr uzunmüddətli olacaq, çünki artıq ciddi dağıntılar baş verib.
Agentlik qeyd edir ki, bu fikir ayrılığı ABŞ və Avropa arasında artan gərginliyi əks etdirir. Bildirilir ki, enerji qiymətlərinin artması və daşımaların pozulması Avropaya daha ciddi təsir göstərir.
Avropa Mərkəzi Bankının baza ssenarisinə görə, enerji təchizatındakı problemlər 2026-cı ilin sonuna qədər davam edərsə, inflyasiya 6,3% səviyyəsində pik həddə çata bilər.
Böyük Britaniya Səudiyyə Ərəbistanına HHM sistemləri göndərəcək
Əraqçi: İran ABŞ-ın təkliflərinə cavab verməyib və danışıqlar barədə qərar qəbul etməyib
Zaqatalada iki minik maşını toqquşub, yaralılar var
Gədəbəydə yük maşını ilə minik avtomobili toqquşub, xəsarət alanlar var
