Yaponiyanın 2026 maliyyə ilində (1 aprel 2026-da başlayıb) müdafiə xərcləri rekord həddə çataraq 10,6 trilyon yen (təxminən 66,7 milyard dollar) təşkil edəcək.
Onun sözlərinə görə, ümumi müdafiə büdcəsi əlavə xərclərlə birlikdə ÜDM-in təxminən 1,9%-nə bərabər olacaq. Nazir qeyd edib ki, bu hesablamalar 2022-ci ildə qəbul edilən yeni milli təhlükəsizlik strategiyası əsasında həmin dövrün ÜDM-i nəzərə alınmaqla aparılıb.
Koizumi əlavə edib ki, əgər 2026-cı il üzrə proqnozlaşdırılan ÜDM əsas götürülsə, bu göstərici 1,5% təşkil edəcək.
Nazir xatırladıb ki, müdafiə xərclərinin artırılması yeni milli təhlükəsizlik strategiyasının icrası çərçivəsində həyata keçirilir. O qeyd edib ki, Yaponiyanın müdafiə büdcəsi yen ifadəsində yenidən rekord olacaq. 2025-ci ildə bu göstərici artıq ÜDM-in 2%-nə çatmışdı, halbuki əvvəlcə bu səviyyəyə yalnız 2028-ci ilə qədər çatmaq planlaşdırılırdı.
Faiz göstəricisinin 2026-cı ildə azalması isə əsasən yenin dollara nisbətdə kəskin ucuzlaşması ilə izah olunur.
Dünya fond bazarlarının əsas indeks göstəriciləri
Dünya bazarlarında neft 1 dollardan çox ucuzlaşıb
Yaponiya 2026-cı ildə müdafiəyə rekord həcmdə vəsait ayıracaq
Slovakiya İsrailin “Barak MX” HHM sistemlərinin tədarükünə başlayıb
Madyar: Macarıstanda yanacaq qiymətlərinə limit saxlanılacaq
