Azərbaycanın xarici işlər naziri Ceyhun Bayramov Türkmənistanın Nazirlər Kabineti sədrinin birinci müavini və xarici işlər naziri Rəşid Meredov ilə görüşüb.
Görüş zamanı tərəflər Azərbaycan–Türkmənistan tərəfdaşlığının əsas istiqamətlərini müzakirə ediblər. Qeyd olunub ki, iki ölkə arasında münasibətlər ortaq tarix, mədəniyyət və qarşılıqlı hörmətə əsaslanan möhkəm təmələ söykənir.
Nazirlər enerji, nəqliyyat və tranzit sahələrində əməkdaşlığın genişləndirilməsi imkanlarına da toxunublar. Bu çərçivədə Avropa ilə Asiyanı birləşdirən strateji dəhlizlər üzrə əlaqələrin inkişafı xüsusi vurğulanıb.
Tərəflər həmçinin regional və beynəlxalq proseslər ətrafında fikir mübadiləsi aparıblar. Görüşdə regionda sülhün, sabitliyin və dayanıqlı inkişafın qorunmasının vacibliyi qeyd olunub.
Sonda tərəflər müxtəlif sahələrdə əməkdaşlığın daha da dərinləşdirilməsi və bütün səviyyələrdə sıx dialoqun davam etdirilməsi niyyətlərini bir daha təsdiqləyiblər.
Ceyhun Bayramov: Antalya Diplomatiya Forumunun izdihamlı keçirilməsi Türkiyənin uğurudur
Azərbaycan və Türkmənistan XİN başçıları əməkdaşlıq məsələlərini müzakirə edib
Ceyhun Bayramov: İran–ABŞ atəşkəsinin daimi sülhə çevriləcəyinə ümid edirik
Ağdamda 25 yaşlı gənc bədbəxt hadisə nəticəsində ölüb
Azərbaycanın XİN başçısı AI-nin Cənubi Qafqaz üzrə xüsusi nümayəndəsi ilə görüşüb
