Qida Təhlükəsizliyi Agentliyi tərəfindən respublika (Naxçıvan Muxtar Respublikası daxil) ərazisində 2025-ci ilin 17-21 noyabr və 8-12 dekabr tarixlərində aidiyyəti qurumların iştirakı ilə keçirilmiş epizootoloji monitorinqlərin nəticələri açıqlanıb.
Tədbirlər dövlət təbiət yasaqlıqlarının, ovçuluq təsərrüfatlarının və milli parkların su-bataqlıq, dənizsahili zonalar və digər ərazilərini əhatə edib. Habelə su anbarları və çaysahili ərazilərdə ümumi müşahidələr aparılmaqla vəhşi quşlara klinik baxış keçirilib, müxtəlif növ vəhşi quşdan diaqnostik nümunələr götürülüb. Bundan əlavə, sənaye əsaslı müxtəlif həcmli quşçuluq müəssisələrində, 34 rayonun (şəhər) ailə təsərrüfatılarında müxtəlif növ ev quşundan qan və yaxma nümunələri götürülərək müayinələrə cəlb edilib.
Laborator müayinələr və ümumi epizootoloji müşahidələrin təhlili nəticəsində quş qripi xəstəliyinin törədicisinə və xəstəliyə şübhəli klinik əlamətləri olan quşa rast gəlinməyib. Ev quşlarından götürülmüş diaqnostik nümunələr Nyukasl xəstəliyinə görə də müayinə edilib və yoluxmaya şübhəli hal aşkarlanmayıb.
Rəsmi İrəvan Azərbaycandan Ermənistana neft məhsullarının növbəti partiyasının göndəriləcəyini təsdiqləyib
Daha 222 mənzil kirayə mexanizmi ilə satışa çıxarılır
Cəbrayılda yanğın törədən şəxs məsuliyyətə cəlb olunub
Fitch Solutions: Azərbaycanda orta illik iqtisadi artım 2035-ci ilə kimi 2,7% təşkil edəcək
Azərbaycanda “quş qripi”nə yoluxma aşkarlanmayıb
Pakistan və Səudiyyə Ərəbistanı JF-17-lərin alınması üzrə danışıqlar aparır
Yeni nəsil NKA-lar vasitəsilə dövriyyə 28 mlrd. manatı ötüb
