AZCON Holdinqin şirkətlərindən biri olan ADY-nin “Bakı Beynəlxalq Dəniz Limanı” MMC-nin təşəbbüsü ilə həyata keçirilən “RoboPort” robotika, kodlama və STEAM təlim proqramının üçüncü sessiyasının açılış mərasimi keçirilib. Layihə məktəblilərin texnologiya və mühəndislik sahələrində bilik və bacarıqlarını inkişaf etdirməyə yönəlib.
Yeni sessiya üzrə seçim mərhələsində Ələt qəsəbəsində yerləşən 5 məktəbdən olan şagirdlər iştirak ediblər. Ümumilikdə proqrama 144 şagird müraciət edib, keçirilən seçim sorğularının nəticələrinə əsasən 24 şagird təlimlərdə iştirak etmək hüququ qazanıb.
Seçilmiş iştirakçılar hər qrupda 12 nəfər olmaqla iki qrupa bölünüb və robotika, kodlama və STEAM istiqamətlərini əhatə edən təlimlərə cəlb olunublar. Qeyd edək ki, kurslar Bakı Limanının korporativ sosial məsuliyyət (KSM) layihəsi çərçivəsində təşkil olunur və iştirakçılar üçün tamamilə ödənişsiz həyata keçirilir.
Tədris proqramı 7 moduldan ibarət olmaqla 6 ay davam edəcək və proqramı uğurla başa vuran iştirakçılar sertifikatla təmin olunacaqlar.
Media nümayəndələri üçün əməyin mühafizəsinə dair təlim keçirilib
Bakı Limanında “RoboPort” layihəsinin üçüncü sessiyasına start verilib
Hakan Fidan Lavrova Türkiyənin Ukrayna üzrə danışıqlara ev sahibliyi etməyə hazır olduğunu deyib
ABŞ-ın Terrorla Mübarizə Milli Mərkəzinin direktoru İranla müharibəyə görə istefa verib
Naxçıvan Avtomobil Yolları Dövlət Agentliyinin sabiq sədrinin məhkəməsində ittiham aktı elan olunub
Qazaxıstan neftinin Azərbaycan üzərindən daşınması layihəsi üzrə tranzit həcmi 4 mln. tona çatdırılıb
