Gürcüstan hökuməti Rusiyanın “İnter RAO” enerji şirkətinə kompensasiyanı ödəməyə başlayıb.
Kompensasiyanın ümumi həcmi 139 milyon ABŞ dolları təşkil edir. Gürcüstan tərəfi bu məbləği 2028-ci ilin iyulun 10-dək tam ödəməlidir.
Gürcüstan hökumətindən bildirilib ki, “İnter RAO” şirkətinə ödənilən kompensasiya ölkə iqtisadiyyatına və əhalisinə mənfi təsir göstərməyəcək.
Qeyd edək ki, 2011-ci ilin martın 31-də “İnter RAO” və Gürcüstanın o zamankı hökuməti arasında imzalanmış memoranduma əsasən, Gürcüstan tərəfi şirkətə 15 il ərzində elektrik enerjisi tariflərinin dəyişməyəcəyi ilə bağlı zəmanət verib. Lakin 2014-cü ildə Gürcüstanda elektrik enerjisi tariflərinin hesablanması metodologiyasının dəyişdirilməsi barədə qərar qəbul edilib.
2016-cı ildə “İnter RAO” Gürcüstan hökumətinə müraciət edərək tarifləri dəyişməyi xahiş etsə də, imtina cavabı alıb və 2017-ci ildə Gürcüstan hökumətini arbitraj məhkəməsinə verib. Şirkət Gürcüstanda elektrik enerjisi tariflərinin dəyişdirilməsi səbəbindən zərərlə üzləşdiyini bildirib. Gürcüstan hökuməti iki paralel arbitraj mübahisəsində Rusiya şirkətinə uduzub.
Gürcüstan hökuməti Rusiyanın enerji şirkətinə kompensasiya ödəməyə başlayıb
Suriya hökuməti və SDQ arasında toqquşmalarda ölənlərin sayı artıb
Türkiyə cəmiyyəti Prezident İlham Əliyevin Qəzza ilə bağlı mövqeyini təqdir edir
Xətai rayonunda ağaclar kəsilib, materiallar Baş Prokurorluğa göndəriləcək
Fransada həbs olunan rusiyalı basketbolçu ölkəsinə qaytarılıb
