© APA | İran parlamentinin sədri Məhəmməd Qalibaf
İran ABŞ-la heç bir danışıqlar aparmadığını bəyan edib.
“İran xalqı təcavüzkarların tam və peşmanedicı şəkildə cəzalandırılmasını tələb edir. Bütün rəsmi şəxslər ali lider və xalqın yanında dayanır. ABŞ-la heç bir danışıqlar aparılmayıb, yayılan xəbərlər isə maliyyə və neft bazarlarını manipulyasiya etmək məqsədi daşıyır”, – deyə o qeyd edib.
Eyni zamanda İran Xarici İşlər Nazirliyi vasitəçilər üzərindən ABŞ-dan mesajların daxil olduğunu təsdiqləyib.
“Son günlər bəzi dost ölkələr vasitəsilə ABŞ-ın müharibəni dayandırmaq məqsədilə danışıqlara başlamaq istədiyi ilə bağlı mesajlar daxil olub. Bu müraciətlərə İranın prinsipial mövqeyinə uyğun cavab verilib”, – deyə XİN-in sözçüsü İsmayıl Bəqai bildirib.
Onun sözlərinə görə, ABŞ-a İranın həyati əhəmiyyətli infrastrukturuna hücumların ciddi nəticələr doğuracağı barədə xəbərdarlıq edilib.
“Enerji infrastrukturuna qarşı hər hansı addım silahlı qüvvələr tərəfindən dərhal və qəti cavabla qarşılanacaq”, – deyə Bəqai vurğulayıb.
İran parlamentinin sədri: ABŞ-la heç bir danışıqlar aparılmayıb
ABŞ və İran arasında danışıqlar İslamabadda keçirilə bilər
“Tasnim”: İran qarşıdakı günlərdə müharibə ilə bağlı yeni “sürprizlər” planlaşdırıb
