Rusiya paytaxtına yağan güclü qar həyatı iflic edib.
Mərkəz küçələr qardan qismən təmizlənsə də, ətraf rayonlarda gərgin vəziyyət yaranıb. Moskva meriyası küçələri qardan təmizləmək üçün 130 min işçi qüvvənin 15 min texnikanın səfərbər edildiyini açıqlayıb. Lakin qarın fasiləsiz yağması küçə və yolların təmizlənməsinə maneə yaradıb.
Sosial şəbəkələrdə insanların küçələrdə, yollarda qalması ilə bağlı çoxsaylı görüntülər yayılıb.
Moskva dairəvi yolunda avtomobillərin hərəkəti iflic olub.
Güclü qar səbəbindən Moskva şəhərinə region istiqamətindən giriş bloklanıb. Yaroslavl şossesində tıxacın uzunluğu 20 km-ə çatıb, insanlar altı saatdan çox tıxacda qalıblar.
Sinoptiklər qarın bu gün gec saatlara qədər davam edəcəyini bildiriblər. Qeyd olunub ki, aylıq yağıntı normasının yarısından çoxu yanvarın 9-da düşəcək. Qar güclü küləklə müşahidə olunub. Qar fırtınası səbəbindən Moskva üçün narıncı hava xəbərdarlığı verilib.
Qızılın qiyməti tarixi rekordunu yeniləyərək 4500 dolları ötüb
Keçmiş məcburi köçkün, şəhid anası: Bu gün Qarabağ təkcə qarabağlıların yox, bütün azərbaycanlıların yurdudur
Mirzoyan ABŞ səfiri ilə TRIPP-in icrası istiqamətində görülən işləri müzakirə edib
Türkiyə Hələbdə SDQ-yə qarşı antiterror əməliyyatını məmnunluqla qarşılayıb
