Ötən gün Gürcüstanın Katalikos-Patriarxı II İlyanın dəfn günündə ölkənin Daxili İşlər Nazirliyinin Təhlükəsizlik Departamentinə terror aktları barədə iki anonim zəng daxil olub.
Zənglərin yeniyetmə şəxs tərəfindən edildiyi müəyyənləşdirilib.
O, II İlya ilə vida mərasiminin keçirildiyi Müqəddəs Üçlük məbədi yaxınlığında olduğunu, odlu silahla silahlandığını və məbəd ərazisində partlayıcı qurğu yerləşdirdiyini bildirib.
Yeniyetmə 20 dəqiqə ərzində təxliyənin həyata keçirilməyəcəyi halda partlayış törədəcəyi ilə hədələyib. O, izləri itirmək və şəxsiyyətinin müəyyənləşdirilməməsi üçün səsini müvafiq proqram təminatı ilə dəyişib, digər ölkənin virtual telefon nömrəsini istifadə edib və IP ünvanı gizlədib.
Operativ istintaq tədbirləri nəticəsində yeniyetmənin şəxsiyyəti müəyyənləşdirilib. Ondan bir neçə telefon, noutbuk və digər maddi sübutlar götürülüb.
Yeniyetmə cinayət əməlini etiraf edib. Ona qarşı terrorçuluq barədə yalan məlumat vermək maddəsi üzrə ittiham irəli sürüləcək. Bu maddə 3 ildən 6 ilədək azadlıqdan məhrum etmə cəzasını nəzərdə tutur.
Ağcabədidə yol qəzasında bir nəfər ölüb, biri isə yaralanıb
Orban: Siyartonun telefonunun dinlənilməsi Macarıstana qarşı ciddi hücumdur
Starmer: Britaniyanın əsas hissəsinin İran tərəfindən hədəfə alınmasına dair dəlil yoxdur
Bakıda tıxacların azaldılması üçün 3 strateji yol layihəsi icra olunur
