Azərbaycan ilə Türkmənistan arasında elektron TIR (eTIR) sistemi üzrə ilk pilot daşınma həyata keçirilib.
Kənan Qurbanov beynəlxalq avtomobil daşımaları sahəsində rəqəmsallaşma üzrə görülən işlər barədə məlumat verib.
Kənan Qurbanovun sözlərinə görə, eTIR sistemi ənənəvi TIR kitabçasının elektron formatda tətbiqini nəzərdə tutur və daşınma prosedurlarının rəqəmsallaşdırılması hesabına sərhədkeçmə prosesini sürətləndirir. Layihənin həyata keçirilməsi dövlət qurumlarının və aidiyyəti işçi qruplarının koordinasiyası ilə təmin olunur.
Məlumata görə, eTIR sisteminin tətbiqi beynəlxalq yükdaşımalarında çevikliyi artırır, sənədləşmə prosesini sadələşdirir və sərhəddə yaranan texniki və ya sənədləşmə ilə bağlı problemlərin operativ şəkildə elektron qaydada aradan qaldırılmasına imkan verir.
Kənan Qurbanovun sözlərinə görə, bununla yanaşı, beynəlxalq avtomobil daşımalarında istifadə olunan icazə blanklarının da elektron mübadiləsi genişləndirilir. Hazırda Azərbaycan Türkiyə, Özbəkistan, Qırğızıstan və Qazaxıstan ilə icazə blanklarını elektron formatda mübadilə edir. Bu sistem daşıyıcılara sənədləri şəxsi elektron kabinet vasitəsilə əldə etməyə və zərurət yarandıqda məlumatlarda dəyişiklikləri məsafədən operativ şəkildə etməyə imkan yaradır.
Ağstafada 78 yaşlı kişi evdə yıxılaraq ölüb
Azərbaycan ilə Türkxmənistan arasında ilk elektron TIR pilot daşınması keçirilib
Baş katib: Zəngəzur dəhlizi Avropaya yük daşımalarında məsafə və xərcləri azaldacaq
Regionlarda məktəbəhazırlıq qrupları üzrə məktəb seçiminə başlanılıb
Yeni təmayül tədris modelinə qeydiyyatın vaxtı uzadılıb
