AzTV komandası Afrikanın ən qədim müstəqil dövlətlərindən biri olan Efiopiyada sənədli film çəkilişlərini uğurla başa çatdırıb.
Bildirilib ki, layihə çərçivəsində bu qədim ölkənin həm müasir urbanizasiya prosesləri, həm də ənənəvi həyat tərzi geniş şəkildə araşdırılıb.
Çəkilişlər paytaxt Əddis Əbəbədə gedən urbanizasiya prosesinin müsbət və mənfi tərəflərini əhatə edir. Sürətlə inkişaf edən şəhər mühiti fonunda sosial dəyişikliklər, şəhərsalma problemləri və yeni həyat tərzi diqqət mərkəzində saxlanılıb.
Eyni zamanda, AzTV komandası Efiopiyanın cənub-qərbində yerləşən Aşağı Omo vadisində, Cənubi Sudan sərhədinə yaxın ərazilərdə yaşayan yerli etnik qrupların həyatını lentə alıb. Xüsusilə Mursi qəbiləsinin gündəlik yaşayışı, adət-ənənələri və mədəni xüsusiyyətləri sənədli filmdə əks olunub.
AzTV-nin hazırladığı bu sənədli film Efiopiyanın zəngin tarixi, rəngarəng mədəniyyəti və müasir inkişaf dinamikasını tamaşaçılara daha yaxından təqdim edəcək.
“Rossotrudniçestvo”nun rəhbəri Yevgeni Primakov istefaya göndərilib
Bank of Baku-dan Autizm Maarifləndirmə ayına özəl layihə: SEVGİ VARSA, FƏRQ YOXDUR!
“Bakı Metropoliteni” QSC-nin Müşahidə Şurasının cari ilin ilk rübünün nəticələrinə dair iclası keçirilib
BTC ilə bu il nəql olunacaq “Kaşaqan” neftinin həcmi açıqlanıb
Ali Məhkəmə: İcra mərhələsində vəfat etmiş tərəflərin varisləri eyni tələb üzrə yeni iddia qaldıra bilməz
