Bakıda qardaşını qətlə yetirməkdə təqsirləndirilən Amin Nurinin cinayət işi üzrə məhkəmənin yekun iclası keçirilib.
O, Amin Nurinin 18 il 3 ay müddətinə azadlıqdan məhrum edilməsini təklif edib.
Məhkəmədə hökm oxunub. Hökmə əsasən Amin Nuri 16 il 1 ay müddətinə azadlıqdan məhrum edilib.
Qeyd edək ki, hadisə 2025-ci il iyulun 3-ü səhər saatlarında paytaxtın Binəqədi rayonunda baş verib. Məlumaat görə, 1996-cı il təvəllüdlü Aslan Nuri yaşadığı evdə qətlə yetirilib. Aslan Nurinin qardaşı 1991-ci il təvəllüdlü Amin Nuri hadisədən sonra Polis Şöbəsinə gedib. O, qardaşını öldürdüyünü etiraf edərək könüllü təslim olub.
İddialara görə, hadisə mülk bölgüsü ilə əlaqədar olub.
Amin Nuriyə Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla adam öldürmə), 120.2.9-cu (təqsirkar şəxs üçün aşkar surətdə köməksiz vəziyyətdə olan adamı öldürmə, habelə adam oğurluğu və ya girov götürülməsi ilə bağlı adam öldürmə) və 157,1-ci (Azərbaycan Respublikasının qanunları ilə müəyyən edilmiş əsaslar olmadan, mənzildə yaşayanın iradəsi ziddinə mənzilə daxil olma) maddələri ilə yekun ittiham elan olunub.
Pakistan ordusunun komandanı ABŞ-ın mesajını çatdırmaq üçün Tehrana gedib
Tramp İranla müharibədə ABŞ-a dəstək verməyən ölkələrə xəbərdarlıq edib
Bakıda qardaşını qətlə yetirməkdə təqsirləndirilən şəxsə hökm oxunub
Pakistan KİV: ABŞ-İran danışıqlarının ikinci raundu İslamabadda keçiriləcək
