İran ordusu ABŞ-ın Bəhreyn və İordaniyada yerləşən hərbi bazalarına pilotsuz uçuş aparatları (PUA) ilə zərbələr endirdiyini açıqlayıb.
Məlumata görə, zərbələr Bəhreyndəki Şeyx İsa və İordaniyadakı Əl-Əzraq hərbi hava bazalarını hədəf alıb.
ABŞ, Bəhreyn və İordaniya rəsmiləri hücumlarla bağlı hələlik açıqlama verməyiblər. Hadisə nəticəsində itki və ya dağıntı barədə də rəsmi məlumat yoxdur.
Bəhreyndə hava həyəcanı siqnalları işə salınıb, sakinlərə təhlükə ilə əlaqədar sığınacaqlara çəkilmələri barədə xəbərdarlıq edilib.
“The Times of Israel” xəbər verir ki, həyəcan siqnalları ABŞ ordusunun İrana qarşı ardıcıl 13-cü gecə həyata keçirdiyi zərbələri başa çatdırdığını açıqlamasından bir neçə saat sonra verilib.
Qeyd edək ki, Hörmüz boğazına nəzarət uğrunda başlayan qarşıdurma fonunda ABŞ və İran arasında qarşılıqlı zərbələrin intensivləşməsi Körfəz ölkələrində təhlükəsizlik vəziyyətini gərginləşdirib.
Madriddə meşə yanğınları ilə əlaqədar fövqəladə vəziyyət elan olunub
Vyetnam azyaşlıların sosial şəbəkələrdən istifadəsini məhdudlaşdırmağa hazırlaşır
FSB Moskvada terror aktı hazırlayan qadını saxlayıb
Kallas ABŞ-ın Aİ mallarına tətbiq edəcəyi yeni rüsumları əsassız adlandırıb
