Aprelin 18-də Türkiyə Cümhuriyyəti Ali Məhkəməsinin hakimi, Aparat rəhbəri Mehmet Fatih Belviranlı və onun rəhbərlik etdiyi nümayəndə heyəti Xankəndi şəhərinə səfər edib.
Qonaqları Xankəndi şəhərində, Ağdərə və Xocalı rayonlarında Azərbaycan Respublikası Prezidentinin xüsusi nümayəndəliyinin məsləhətçisi Tural Qurbanov qarşılayıb.
Görüş zamanı qonaqlara, işğaldan azad olunmuş Xankəndi şəhəri və ətraf ərazilərdə genişmiqyaslı bərpa və yenidənqurma işlərinin həyata keçirildiyi barədə məlumat verilib.
Nümayəndə heyəti Xankəndi şəhərində aparılan quruculuq işləri, Zəfər parkı, Zəfər meydanı, Qarabağ Universiteti və Xankəndi Məhkəmə Kompleksi ilə tanış olub. Qonaqlara bölgədə həyata keçirilən infrastruktur layihələri, sosial obyektlərin tikintisi və regionun dayanıqlı inkişafına yönəlmiş tədbirlər barədə də məlumat verilib.
Sonda vurğulanıb ki, Azərbaycan–Türkiyə qardaşlığı regional sabitliyin, təhlükəsizliyin və inkişafın təmin olunmasına mühüm töhfə verir və bu münasibətlər gələcəkdə də dinamik şəkildə inkişaf edəcək.
Kiyevdə silahlı hücum nəticəsində 5 nəfər ölüb, yaralılar var
Azərbaycan və Albaniya arasında əməkdaşlıq gündəliyi müzakirə olunub
Külli miqdarda narkotik vasitələrin Azərbaycana keçirilməsinin qarşısı alınıb
İran Ali Milli Təhlükəsizlik Şurası: ABŞ-ın yeni təkliflərinə hələ cavab verilməyib
Tramp İranın Hörmüz boğazını yenidən bağlamaq qərarını tənqid edib
