Ukrayna Prezidenti Volodimir Zelenksi Kiyevdə ABŞ-ın NATO-dakı səfiri Metyu Uitaker və NATO-nun Ukraynaya təhlükəsizlik yardımı və təlim üzrə xüsusi missiyasının komandanı, general-leytenant Kertis Bazzardla görüşüb.
O bildirib ki, görüşdə əsasən PURL təşəbbüsü çərçivəsində “Patriot” hava hücumundan müdafiə sistemləri üçün raketlərin tədarükünün artırılması yolu ilə Ukrayna hava məkanının qorunması müzakirə olunub.
Zelenksi qeyd edib ki, Rusiyanın kütləvi zərbələri davam etdiyi üçün bu məsələ hazırda əsas prioritetdir.
Görüş zamanı ABŞ və Ukrayna arasında ikitərəfli müdafiə tərəfdaşlığı, o cümlədən ABŞ Prezidenti Donald Trampın Ankarada qəbul etdiyi Ukraynaya “Patriot” sistemlərinin istehsalı üçün lisenziyanın verilməsi barədə qərarın icrası və tərəflərin üzərində işlədiyi “Drone Deal” layihəsi də nəzərdən keçirilib.
Bildirilib ki, sözügedən layihənin yaxın vaxtlarda yekunlaşdırılacağına ümid edilir.
Görüşün sonunda Kertis Bazzard Ukraynanın III dərəcəli “Xidmətlərə görə” ordeni ilə təltif olunub.
Ukrayna və ABŞ “Patriot” raketlərinin tədarükünün artırılmasını müzakirə edib
Azərbaycanla Slovakiya arasında məxfi məlumatın mübadiləsi haqqında Saziş imzalanıb
İsrail-Livan danışıqlarının yeddinci raundunun tarixi açıqlanıb
İran Trampa cavab olaraq ABŞ-a bağlı infrastruktur və enerji obyektlərini vurmaqla hədələyib
